മേൽവിലാസമില്ലാത്ത സ്ത്രീ -നിസ്സാർ ഖബ്ബാനി

മേൽവിലാസമില്ലാത്ത സ്ത്രീ

നിസ്സാർ ഖബ്ബാനി

സിറിയൻ കവി

എവിടെയും നിങ്ങളവളെത്തിരയും, 
കടലിലെത്തിരകളോടവളെക്കുറിച്ചാരായും, 
കരയിലെ ആമകളോടവളെക്കുറിച്ചു ചോദിക്കും, 
കടലായ കടലെല്ലാം നിങ്ങളലയും, 
നിങ്ങളുടെ കണ്ണീരു പുഴകളായൊഴുകും, 
നിങ്ങളുടെ ശോകം മരങ്ങളായി വളരും, 
ഒടുവിൽ, ജീവിതാന്ത്യത്തിൽ 
താൻ തേടിയലഞ്ഞതൊരു 

പുകച്ചുരുളിനെയെന്നു നിങ്ങളറിയും- 
നിന്റെ പ്രണയത്തിനിന്ന നാടെന്നില്ല, 
ജന്മദേശമില്ല, മേൽവിലാസവുമില്ല.