റൂമി – വാദ്യവും വാദകനും
വാദ്യങ്ങളാകെയെടുത്താൽ
ആരാണതിൽ അതിഭാഗ്യം ചെയ്തവൻ?
ഓടക്കുഴൽ തന്നെയെന്നതിലെന്തു സംശയം!
നിന്റെ ചുണ്ടോടമർന്നു പാട്ടു പഠിക്കാൻ
അതിനല്ലേ കഴിയുന്നുള്ളു!
ആരാണതിൽ അതിഭാഗ്യം ചെയ്തവൻ?
ഓടക്കുഴൽ തന്നെയെന്നതിലെന്തു സംശയം!
നിന്റെ ചുണ്ടോടമർന്നു പാട്ടു പഠിക്കാൻ
അതിനല്ലേ കഴിയുന്നുള്ളു!
ഓടത്തണ്ടുകൾക്കീയൊരു ചിന്തയേയുള്ളു,
കരിമ്പിൻതണ്ടുകൾക്കു വിശേഷിച്ചും.
തങ്ങൾക്കറിയുന്ന സ്വച്ഛന്ദനൃത്തങ്ങളുമാടി
കരിമ്പിൻപാടത്തവയുലയുന്നു.
കരിമ്പിൻതണ്ടുകൾക്കു വിശേഷിച്ചും.
തങ്ങൾക്കറിയുന്ന സ്വച്ഛന്ദനൃത്തങ്ങളുമാടി
കരിമ്പിൻപാടത്തവയുലയുന്നു.
നീയില്ലയെങ്കിൽ വാദ്യങ്ങൾക്കുയിരെവിടെ?
ഒരാൾ നിനക്കരികിലിരിക്കുന്നു;
ഇനിയൊരാളൊരു ദീർഘചുംബനം നുകരുന്നു;
നന്തുണി യാചിക്കുന്നു:
എന്നെയൊന്നു തൊടൂ,
ഞാൻ ഞാനാകട്ടെന്നേ!
എല്ലിൻതുളകൾക്കുള്ളിലൂടെന്നിലേക്കു നീ കടക്കുന്നതു
ഞാനൊന്നറിയട്ടെ!
പോയ രാത്രിയിൽ ജീവൻ പോയതിന്
ജീവൻ തിരിച്ചുകിട്ടട്ടെ.
നീ വാർന്നുപോകുന്നതറിഞ്ഞും കൊണ്ടൊരു
സമചിത്തജീവിതമെനിക്കെന്തിന്?
ഒന്നുകിൽ നീയെന്നെ മദിരയിൽ മുക്കിത്താഴ്ത്തൂ,
അല്ലെങ്കിലെന്നെ വെറുതെ വിട്ടേക്കൂ.
നിന്നോടു നിത്യസംസാരത്തിലാവുകയെന്നാൽ
അതിന്നതാണെന്നു ഞാനറിഞ്ഞുകഴിഞ്ഞുവല്ലോ!
ഒരാൾ നിനക്കരികിലിരിക്കുന്നു;
ഇനിയൊരാളൊരു ദീർഘചുംബനം നുകരുന്നു;
നന്തുണി യാചിക്കുന്നു:
എന്നെയൊന്നു തൊടൂ,
ഞാൻ ഞാനാകട്ടെന്നേ!
എല്ലിൻതുളകൾക്കുള്ളിലൂടെന്നിലേക്കു നീ കടക്കുന്നതു
ഞാനൊന്നറിയട്ടെ!
പോയ രാത്രിയിൽ ജീവൻ പോയതിന്
ജീവൻ തിരിച്ചുകിട്ടട്ടെ.
നീ വാർന്നുപോകുന്നതറിഞ്ഞും കൊണ്ടൊരു
സമചിത്തജീവിതമെനിക്കെന്തിന്?
ഒന്നുകിൽ നീയെന്നെ മദിരയിൽ മുക്കിത്താഴ്ത്തൂ,
അല്ലെങ്കിലെന്നെ വെറുതെ വിട്ടേക്കൂ.
നിന്നോടു നിത്യസംസാരത്തിലാവുകയെന്നാൽ
അതിന്നതാണെന്നു ഞാനറിഞ്ഞുകഴിഞ്ഞുവല്ലോ!